Il program STT

Engrondiment e manaschi dal sistem d’elavuraziun per la surveglianza dal traffic da telecommunicaziun sco er dals sistems d’infurmaziun polizials da la Confederaziun

Il Cussegl federal ha classifitgà ils 3 da settember 2014 l’engrondiment ed il manaschi dal sistem d’elavuraziun per la surveglianza dal traffic da telecommunicaziun sco er dals sistems d’infurmaziun polizials da la Confederaziun (Program STT) sco project-clav en il sectur TIC (tecnologias d’infurmaziun e da communicaziun), ed ha tranferì la missiva correspundenta al parlament. 

Il Cussegl federal prevesa cun las investiziuns en il rom dal program STT l’adattaziun dal sistem d’elavuraziun ISS (“Interception System Schweiz”) dal servetsch STPT e dals sistems d’infurmaziun polizials da l’Uffizi federal da polizia (fedpol) d’adattar l’infrastructura al svilup tecnic dals ultims onns ed a las pretaisas tecnologicas futuras. Be uschia pon ils sistems d’infurmaziun correspunder a las prestaziuns dumandadas dals servetschs da telecommunicaziun. Ultra da quai duain vegnir stuppadas largias potenzialas da la surveglianza existenta e futura dal traffic da communicaziun optimond uschia sia qualitad.

Suenter il conclus dal Cussegl federal dals 11 da mars 2015 ha il parlament approvà in credit global da 99 milliuns francs. I ston vegnir fatgas investiziuns totalas da 112 milliuns francs (il DFGP paja atgnas prestaziuns da 13 milliuns francs) che vegnan ad esser realisadas pass per pass durant plirs onns. Las adattaziuns necessarias dal sistem vegnan fatgas en il rom da tschintg etappas independentas ina da l’autra.

 

Andament actual dal program STT

Per l’etappa 1 dal program STT ha mess a disposiziun il Cussegl federal 23,4 milliuns francs. Quels daners vegnan investids per remplazzar parzialmain ils sistems d’elavuraziun dal servetsch STPT ed il “Interception System Schweiz” (ISS). L’etappa 1 è vegnida lantschada l’entschatta da l’onn cun il project 1. Ultra da quai èn vegnidas realisadas prestaziuns preliminaras e lavurs d’inizialisaziun per dus projects sco er projectaziuns per las etappas 2 fin 4 dal servetsch STPT e da fedpol.

En l’etappa/project 2 duai vegnir engrondì il sistem d’elavuraziun ch’è en plaina funcziun dapi ils 16 da mars 2015. Cun il sistem d’elavuraziun ISS è sapientivamain vegnì stgaffi in sistem da basa che sto vegnir adattà cuntinuadamain al svilup tecnic actual, al volumen ed a las pretaisas creschentas da las autoritads da persecuziun penala.

 

Muments decisivs fin oz

  • 28-05-2014: Il DFGP preschenta al Cussegl federal ina vista generala dals basegns d’investiziun e vegn incumbensà d’elavurar ina missiva.
  • 03-09-2014: Il Cussegl federal transmetta la missiva per il program STT al parlament. 
  • 11-03-2015: Il parlament deliberescha il credit global da 99 milliuns francs.
  • L’onn 2015: Il servetsch STPT e fedpol fan preparativas e lavurs d’inizialisaziun en dus projects e projectaziuns per las etappas 2 fin 4. 
  • Entschatta dal 2016: Start da l’etappa 1 dal Program STT.
  • Emprim trimester 2016: la realisaziun dal program entschaiva ed ils emprims projects èn iniziads.
  • 21-12-2016: l’empustader dal program approva il rapport dal program ed ils emprims resultats; el autorisescha la cuntinuaziun da la lavur.
  • 12-01-2017: il rapport (en tudestg) dalla Controlla federala da finanzas (CFF) davart l’examen dal program STT sco project-clav TIC è publitgà.

Ulteriuras colliaziuns e documents

 

Communicaziun a las medias:

 

Contact en cas da dumondas  

Last updated: 30.01.2019 - 13:49