Servetsch da surveglianza dal traffic da posta e da telecommunicaziun

En il traffic da posta e da telecommunicaziun – che includa er l'internet – resultan infurmaziuns che pon esser necessarias per sclerir crims grevs. Il servetsch STPT surveglia il traffic da posta e da telecommunicaziun sin ordinaziun da las autoritads da persecuziun penala. Quai vul dir: Tar las furnituras da servetschs da telecommunicaziun (FST) procura el quellas datas che las autoritads da persecuziun penala giavischan per sclerir crims. En quest connex ston las FST observar las directivas dal Servetsch STPT.

Tut tenor la situaziun cusseglia il Servetsch STPT las FST e las autoritads da persecuziun penala en dumondas tecnicas e giuridicas.

Plinavant ademplescha il Servetsch STPT incumbensas en il sectur da l'assistenza giudiziala.

Il Servetsch STPT collavura plinavant cun differentas autoritads naziunalas ed internaziunalas da concessiun e da surveglianza. Grazia a quest barat resta il Servetsch STPT d'ina vart adina al stadi tecnic actual, da l'autra vart ha el la pussaivladad da sa participar a la concepziun ed a la decisiun dals standards da l'ETSI (European Telecommunications Standards Institute).

Last updated: 03.05.2018 - 16:25